الفرق  بين البطاريه الأصلى والتقليد فى أجهزه سامسونج؟


[ندعوك للتسجيل في المنتدى أو التعريف بنفسك لمعاينة هذه الصورة]


وأنت بتشترى بطاريه لجهازك لا تبحث عن البطاريه التقليد وتقول أرخص

هى فعلا أرخص لكن مشاكلها أكبر بكتير وممكن تتسبب فى ان جهازك نفسه يصبح من الماضى

أولا:

علبة البطاريه  شكلها من خامه نضيفه حتي تحمى البطاريه والكلام اللى مكتوب عالعلبه هيكون باين وبوضوح ولونه تقيل مش خفيف

ثانيا:

الورقه اللى موجوده على البطاريه الأصليه (الغلاف) بتكون ملسوقه جيدا وكأنها جزء من البطاريه مثل  الصوره 

أما غلاف البطاريه التقليد بيكون غير ملسوق جيدا أو مكرمش أو لما تقلب البطاريه هيكون ظاهرلك ان اللسقة خارجية  مفارق عن البطاريه ومهوش ملسوق جيدا  فيها مثل  الصوره 

ثالثا:

الكلام اللى مكتوب على البطاريه الأصليه بيكون كتابته واضحه وتقيله  

أما الكلام اللى مكتوب على البطاريه التقليد بيكون خفيف ومش واضح 

رابعا:

لون البطاريه الأصليه لما تشيل الغلاف تجد لون الغلاف من جوه فضى مطفى وهذا نفس لون الفضى اللى علي الغلاف من الخارج

أما البطاريه المقلده فبيكون لون غلافها من جوه فضى لامع يشبه لون ورق الفويل

خامسا:

البطاريه الأصليه بيكون مكتوب عليها على سبيل المثال

Made in China/Finished in China 

أو 

Made in korea/Finished in China

فلما تشيل الغلاف تجد مكتوب تحته على البطاريه بلد الصنع Made in

ففى المثال الأول تجد مكتوب على البطاريه من جوه Made in China

أما فى المثال التانى تجد مكتوب عليها Made in korea

أما البطاريه التقليد فلما تشيل غلافها لاتجد مكتوب عليها أى حاجه من الداخل

سادسا:

البطاريه التقليد ضهرها من ورا عليه بلاستيكه سودا تحت الغلاف حتي تبان سميكه

أما البطاريه الأصليه فضهرها من ورا نفس اللون الفضى اللى عليها من قدام بعد ازاله الغلاف ومافيهاش أى بلاستيكه سودا

وأخيرا .........

ما تشتريش بطاريه تقليد عشان البطاريات التقليد ممكن تعمل مشاكل كتير فى جهازك أنت فى غنى عنها و ممكن كمان تنفجر

ده غير انه لو فرضنا انها اشتغلت بدون مشاكل فهى مش هتعيش معاك مثل  البطاريه الأصليه 



uu
ii